ماينفعش مانسافرش في الصيف! 5 نصايح لتجهيز شنطة السفر🤿

أنا عارف انك قلقان من موضوع السفر ده زيك زيي والله.. بس ماينفعش الصيف يعدي مرور الكرام كده من غير ما نعمل حاجة جامدة!

وده معناه اننا لازم نساااافر.. والحكمة بتقول يتعافى المرء بالسفر!

بس عشان السفرية تبقى تمام لازم تظبط شنطة سفر تبقى تمااام...

قبل ما تحضر الشنطة، لازم يكون معاك List بالحاجات اللي انت محتاجها.. يللا بينا نشوف هـ نعمل فيهم ايه.

خلي بالك وانت بـ تشتري أونلاين أي حاجة من "نون.كوم"، انك تستخدم بروموكو وصلة: "FA44" عشان تستفيد بـ 10% خصم زيادة على خصومات الموقع.

1- النصيحة الأولى.. الحق عروض نون واهتم بـ ما قل حجمه وخف وزنه (عندكوا شاامبوو؟)

في المصيف، انت مش هـ تحتاج بناطيل كتير، ممكن تاخد بنطلون واحد بس احتياطي، ميلتون أو جينز، واحتمال مايتلبسش أصلاً!

كتّر بقى من الشورتات، مش هـ تاخد مساحة وفي الخفيف خفيف.

من نفس المنطلق، انت مش هـ تحتاج غير قميص أو اتنين بالكتير.

بس هـ تحتاج تـ كتر تي شيرتات، وتطبقها "رول" علشان متاخدش مساحة.

ما تنساااش الكريمات وعدة الشااور.. أووعى!

ومن الحاجات برضه الخفيفة اللي لازم تكون في شنطتك وانت رايح المصيف، الشامبوووو، والشاور جل، والـ صن بلوك، ومزيل العرق، والكريمات بقى كلها.

2- النصيحة التانية.. خليك حويط واشتري حاجة البحر قبل السفر

لو انت حد ناصح جدًا، فـ أكيد هـ تكون عارف إنك لازم تشتري كل حاجة وانت مسافر، بالذات حاجة البحر يعني، زي الماسك، والتيوب، وجزمة البحر لو رايح دهب أو نويبع والناحية دي.

عدة البحر بتاعة الأطفال، لو معاك أطفال في السفرية يعني، عشان يقدروا يستمتعوا هما كمان بالسفرية.

لما تشتري الحاجات دي أونلاين قبل ما تسافر، هـ توفر فلوس كتيييير جدًا، عشان غالبًا كنت ممكن تشتريها من هناك بـ ضعف السعر، وغير كده استفيد بـ عروض المواقع إنت أولى.

كمان ميزة بقى في إنك تشتري العدة دي قبل ما تسافر، وهي إنك هـ تعمل حاسبها في الشنطة، بعكس إنك تشتريها من المصيف ومتلاقيش لها مكان وانت راجع!

اه وابعد عن إيجار المعدات دي من أماكن التصييف، علشان مش بـ تكون نضيفة 100% وخلق الله كلهم استخدموها والجو قلق ومحدش ضامن حاجة.

3- النصيحة التالتة.. خد معاك عدة إسعافات احتياطي من سوق (هااااااام)

ربنا يسترها علينا كلنا، بس الاحتياط واجب!.. خلي معاك شنطة إسعافات، بـ 500 جنيه تقريبًا وفيها كل حاجة.

ممكن انت تعمل شنطة الإسعافات دي لو عاوز توفر، هـ تجيب:

• كيس قطن طبي - 250 جرام (25 جنيه)
• كحول - 125 مل (35 جنيه)
• علبة ضمادات - 20 قطعة (13 جنيه)
• رباط ضاغط (20 جنيه)
• 1000جوانتي (120 جنيه)
• بكرة لزق طبي (50 جنيه)
• علبة كمامات (58 جنيه)
• مقص (26 جنيه)

كده تقريبًا انت معاك شنطة إسعافات صغيرة، وتكلفتها تقريبًا 350 جنيه.. وفعلا مفيش استغناء عنها لا في السفر ولا حتى في البيت عادي.

4- النصيحة الرابعة.. المايوه والفوطة للهانم والقطقوطة خش على H&M

كام مرة وصلت مكان المصيف، وافتكرت انك نسيت المايوه، سواء بتاعك أو بتاع الأولاد أو بتوعكم كلكم!

ورطة كبيرة دي، وبـ نضيع وقت كبير في التدوير وعلى حاجات مناسبة، فـ المرة دي متنساش تشتريها وأونلاين كمان قبل ما تسافر.

اتش اند ام، عندهم عروض كويسة جدًا الصيف ده، على مايوهات الرجالة والبنات والأطفال، أسعار المايوه الرجالي من 60 جنيه.

5- النصيحة الخامسة والأخيرة.. عدة توثيق الرحلة لازم تكون معاك

أهم حاجة بقى في السفرية دي، عدة التوثيق، يعني موبايلك والكاميرا الخفيفة "gopro مثلا" علشان تصور اللحظات الحلوة كلها.

هات power bank كبير، علشان تقدر تشحن منه التليفون والكاميرا وأي حاجة تانية، متنساش تجيب Speaker، علشان تشغل عليه الأغاني اللي بـ تحبها انت وعيلتك أو انت واصحابك.

نسيت أقولك انك لازم بعد ما تجمع كل الحاجات دي تجيبلهم شنطة مناسبة على قدهم، بص على الشنط دي 👀.

وأهم حاجة لما تشتري كل اللي انت محتاجه أونلاين، هـ توفر على نفسك مرمطة كتير في المواصلات ومصاريف البنزين.

وكمان هـ توفر مصاريف كتير أووي، منها مصاريف شحن الطلب، لما يزيد عن 350 جنيه في سوق.

أو لما تدخل "FA44" في نون هـ تاخد خصم 10% إضافي على خصوماتهم، كمان في H&M لما تدخل "A3838" هتاخد برضه 10% خصم.. إجازة سعيدة 😉.