عايز تشتري بنطلون تشينو؟.. دي أهم 5 حاجات لازم تعرفها عنه

البنطلون قطعة مهمة وأساسية في دولاب أي حد، ولازم يكون عندك منها أكتر من نوع مناسبين لأكتر من ستايل، وكمان لازم تراعي الترند في اختيار البناطيل، عشان كده لازم يبقى عندك بنطلون تشينو في دولابك السنة دي.

بناطيل التشينو ظهرت لأول مرة كموضة في عالم الملابس الرجالي سنة 2017 تقريبًا، لكن الإقبال عليها كان قليل، لأن ماكنش لها ستايل مفهوم.

مع بدايات سنة 2022 زاد الإقبال على التيشنو بنطلون؛ لأنه مريح جدًا، وله مزايا كتير.

وقبل ما تفكر تشتري بنطلون تشينو، لازم تعرف عنه 5 حاجات مهمة، هقولك عليها في الجاي:

إيه هو بنطلون تشينو موضة اللبس الرجالي 2022؟

كله عمال يقول تشينو.. تشينو، طيب إيه هو التشينو ده؟

زمان من حوالي 60 سنة كده، كان الجنود الأمريكان بيلبسوا بناطيل سادة مريحة من القطن، بجيوب قليلة ومخفية، وستايلها بيكون قصير عشان تسهل عليهم الحركة.

البناطيل المريحة دي، اللي مكنش ليها اسم في الجيش الأمريكي غير إنها بنطلون الزي العسكري، لما وصلتنلنا بقى اسمها تشينو.

في نفس الفترة كان ظهر في الجيش بناطيل تانية من القطن، بجيوب أكتر ووزن أتقل، اسمها بناطيل كاكي، أكيد لبست واحد منه في يوم من الأيام؛ لأن الكاكي برضه كان موضة قريب.

الناس خلطت في الأول بين الكاكي والتشينو، رغم إن الاختلافات بينهم كبيرة جدًا، بس ده بيرجع لخلفيتهم العسكرية والتاريخية بس.

والتشينو غالب طبعًا في دولاب أي حد دلوقتي، وعشان كده لازم تشتري اتنين على الأقل من أمازون.

لما تشتري أي حاجة من أمازون بـ 1000 جنيه وانت طالع هيرجعلك 20% كاش باك من وصلة وقتي على محفظتك.

ليه لازم يبقى عندك اتيشنو السنة دي؟

البنطلون التيشنو له مزايا كتير جدًا، تخليك لازم تشتري منه قطعتين تلاتة بألوان حيادية مختلفة، ومنها:

• مريح وخفيف ومش هتحس بيه أصلا، عشان كده ينفع في الصيف الحر ده جدًا.

• ألوان التشينو متنوعة تقدر تعملها Styling بسهولة مع أي Outfit.

• أشيك من الجينز أكيد، ومناسب للشغل والسهر بالليل عادي.

• مش بيفرق بين راجل وست، كل الناس تعرف تلبس تشينو، لكن للأسف مش هيكون مناسب مع الجسم المليان أوي، نعمل دايت بقى عشان نلبس تشينو.

• تحسه كلاسيكي بس هو مش كلاسيكي، التاريخ بس اللي ظالمه.

دي كلها مميزات تخليك تشتري تشينو حالا، خصوصًا لما تعرف إن فيه خصومات على TFK بتوصل لـ 20% على البناطيل دي، و10% خصم إضافي من وصلة بكود: Wasla10.

فورمال وكاجوال.. امتى تلبس البناطيل التشينو؟

من أهم مميزات أي اتشينو بنطلون، إنه بيدي مظهر الكلاسيك الشيك، وممكن في أي مناسبة رسمية تلبسه عادي جدًا.

وبرضه أول ما تفكر تخرج به مع صحابك خروجة كاجول، ولا سهرة صيفي لذيذة مش هيقول لأ.

عاوز تلبس اتشينو وتبقى فورمال؟.. بسيطة:

• اختار قميص سادة بلون أبيض مثلا ستايل كلاسيكي.

• والبنطلون التيشنو يبقى بلون مثلا بيج.

• هتدخل القميص في البنطلون.

• وعليهم شوز في اللذيذ، معاك اختيار من اتنين، إما "وايت سنيكرز" أو "لوفر شمواه بني/هافان".

لو عاوز التيشنو يبقى كاجوال، ممكن تخرج القميص برة البنطلون، أو تلبس تيشيرت عادي أو بولو، وخلصت.

الحق عروض كاش باك وصلة على مشترياتك من H&M.. دلوقتي لما تشتري من أول 1500 جنيه هيرجعلك 20% من اللي دفعته على محفظتك.

على البحر تلبس شورت تشينو.. البنطلون مش أحسن اختيار!

الحالة الوحيدة اللي مش هتحتاج فيها بنطلون تشينو، هي المصيف، رغم إنه مش هيقول لأ على فكرة.

لكن الشورت هو الاختيار المثالي للمصيف وسهرات البحر عامة.

اختار شورت تشينو من أمريكان إيجل، وكمل مشترياتك لحد 1500 جنيه عشان يرجعلك 20% كاش باك من وصلة.

أحسن أحذية تناسب ستايلات بنطلون التشينو

البناطيل التيشنو بتقبل عدد كبير من الشوزات ومش هتقول لأ، لكن فيه حاجات معينة بتغير الشكل تمامًا.

لكن زي ما احنا عارفين، لكل مقام مقال، اختار الشوز حسب المناسبة، يعني: 

• لو رايح الشغل أو خارج مع صحابك، الوايت سنيكرز هيظبط معاك.

• الشوز اللوفر بكل ألوانه بيمشي مع التيشنو وبيكمل شياكة الأوت فيت.

• الكونفرس شوز على أي بناطيل تشينو حكاااية.

• بلاش تلبس شبشب أو صندل على سنيكرز، إلا لو كنت مضطر أوي، أو الجو العام للمكان اللي انت فيه يسمح بده.

• البنات اللي بتحب تلبس تشينو في الخروجات، هينفع معاكي أي صندل، أو شوز مش رسمي، وبلاش كعب على تشينو.

اختار الشوز المناسب من جوميا، وهيرجعلك 15% كاش باك لما تعمل أوردر بـ 750 جنيه.