عروض هايبر وان: 7 طرق مضمونة للتوفير وانت بتشتري حاجة البيت

ليه تنزل تتعب نفسك وتقف في طابور الكاشير وتصرف فلوس كتير، لما ممكن تطلب كل اللي انت عايزه وانت قاعد على الكنبة تحت التكييف وتدفع أقل مع عروض هايبر وان؟ ليييه بجد!

متصفح وصلة بالتعاون مع هايبر وان، عندهم خطة هتساعدك تشتري كل اللي انت محتاجه وكمان توفر فلوسك وصحتك.

طيب ازااي؟؟؟🤔

في الجاي هتعرف أهم 7 طرق للتوفير وانت بتشتري احتياجاتك أونلاين من هايبر وان:

1- ليه تشتري من الفروع لما ممكن تشتري أونلاين مع عروض هايبر وان وتوفّر؟📲

فروع هايبر وان منتشرة في 3 أماكن.. لكن الموضوع دلوقتي مابقاش سهل زي الأول بسبب كورونا وحاجات تانية كتير.

كمان hyper one زود خدمات كتير على الموقع الإلكتروني الخاص به.

والعروض الأونلاين في هايبر وان أكتر بكتير، غير كوبانات الخصم اللي هتلاقيها على وصلة براوزر.

ومن غير تعب وتكاليف مواصلات، حاجتك هتوصلك لحد البيت وبأقل سعر، وممكن ماتدفعش تمن التوصيل كمان مع عروض هايبر وان!.. يا بلاااش 🤩.

2- نزّل تطبيق وصلة من جوجل بلاي دلوقتي - حان وقت التوفير 🚨

عشان دلوقتي وقت التوفير خلاص، فـ متصفح وصلة هو الحل المثالي اللي هيوفرلك في الفلوس والوقت✌.

وصلة بيقدم أفضل خدمة تصفح للإنترنت، وزيادة على كده بيجمع لك كل العروض في مكان واحد بس.

نزّل وصلة من هنا دلوقتي، وسجل دخول وعيش على النت طول الوقت.

طور من نفسك، واستكشف مهارات جديدة، وغير ده كل هتلاقي تجميعة كويسة للعروض من كل المواقع.

نصيحة.. شوف ده: خاصية جديدة في متصفح وصلة توفرلك فلوس كتيييرر

وعشان توفر وانت بتشتري أي حاجة مع عروض هايبر وان عن طريق وصلة هتعمل الآتي:

- ادخل على أيقونة هايبر وان في الصفحة الرئيسية لوصلة

وانت بتتصفح العروض داخل وصلة براوزر، هتلاقي في صندوق الروابط السريعة أكتر من أيقونة.

كلها لينكات هتوصلك بمواقع الأونلاين شوبينج في أسرع وقت.

موجود في البوكس ده، أيقونة لـ"Hyperone"، دوس عليها عشان تلاقي عروض هايبر وان.

- اختار العروض المناسبة من وصلة وانسخ كوبونات الخصم

لما تقرر هتشتري إيه، دوس على علامة الخصم اللي جنب الجرس اللي هي دي "🏷".

هيظهرلك كل عروض هايبر وان الموجودة دلوقتي، وكمان أكواد الخصومات على كل حاجة.

شوف إيه العرض المناسب للحاجة اللي عاوز تشتريها، ولو فيه كوبون اعمله نسخ.

- ضيف أكواد خصومات وصلة بعد اتمام عملية الشراء من هايبر وان

بعد ما تختار كل اللي انت محتاجه، وقبل ما تدفع بكارت البنك بتاعك فيه خطوة مهمة.

في مربع هتلاقيه كده وبيطلب منك تضيف بروموكود، أو الرمز الترويجي.

في الحالة دي بتضيف الكود اللي انت عملتله نسخ في الخطوة اللي قبل كده.

أو ممكن تدوس تاني على علامة الخصومات اللي جنب جرس الإشعارات.

أو ترفع الشاشة من تحت لفوق عشان تظهرلك عروض هايبر وان تاني وتختار الكود وتعمله Copy أو نسخ.

أول ما تعمل Past أو لصق للكود في المربع بتاع الرمز الترويجي أو البروموكود، هتلاقي السعر قل وفرق معاك جدااااً!!! 😳

ادفع بقى والفلوس اللي وفرتها جيبك أولى بيها، وأهي تنفعك وانت بتشتري حاجة تانية بعد كده.

3- حدد احتياجاتك من Hyperone عشان متاخدش وقت في البحث 📝

قبل ما تشتري أونلاين من هايبر وان أو أي مكان تاني، لازم تكون محدد انت عاوز إيه..

ده هيوفر عليك كتير في الوقت وانت بتدوّر، وهيسهل عليك تكشتف العروض كمان.

يعني مثلا، لو شايف إن تلاجتك ناقصها حاجة، أو بقالة البيت عامة.

يبقى تدخل تدور في قسم البقالة مباشرةً.

ولو محتاج أجهزة كهربائية يبقى هتدور في قسم الأجهزة الكهربائية والمنزلية وهكذا.

الموقع الإلكتروني لـ هايبر وان فيه أكتر من 7 أقسام متنوعين، وفيهم كللل حااااجة تقريبا.

4- اشتري حاجة البيت مع عروض هايبر وان شهر بشهر أفضل 🛍

لو فاكر إنك لما تشتري خزين السنة كله مرة واحد، يبقى كده وفرت، تبقى غلطان!!!!

احنا مش داخلين مجاعة ولا حرب 😂 اشتري عادي شهر بشهر أو حتى أسبوع بأسبوع.

كده الحاجة تفضل فريش، واحتمالية الخسارة أقل بكتيير أكيد.

5- ماتشتريش فرط!!.. اشتري باكيدج 💳

رغم إن موقع هايبر بيبقى عليه خصومات على القطع، وبتوصل لـ 40% وأكتر.

إلا إن العروض على الباكيدج بتكون أكبر.

يعني ممكن تستغل عرض البقالة مثلا، وتشتري بـ 1000 جنيه، حاجة الشهر كله.

وفي المقابل هتدفع 900 بس، والحاجة هتوصلك لحد باب البيت ببلااش لما تستخدم بروموكود وصلة 🛒.

6- تابع عروض ووصفات هايبر وان على وصلة باستمرار 👀

عشان تفضل عارف كل العروض والخصومات و اكواد الخصم أول بأول، ادخل كل يوم على وصلة براوزر.

تابع عروض هايبر وان وكمان وصفات الوجبات الأساسية اللي كل مكوناتها من هايبر وان، وبنص السعر برا.

شوف وصفة تراميسو اللوتس من هايبروان من هنا.. وتابع كل جديد مع وصفات وصلة للتوفير.

7- نظم ميزانيتك.. وفر لبكرا 😎

تقريبًا لو عملت كل الخطوات اللي فوق دي، الموضوع هيفرق معاك جدًا.

هتقدر توفر كتير، واللي وفرته من أوردر النهارده، ينفع لأوردر بكرة وبعده وطول السنة.

وزي ما قال عبد الغفور البرعي: "اللي يحسب الحسابات في الهنا يبات".

مهم إنك تسيطر على ميزانيتك، وتعرف هتشتري إيه.. إمتى؟

يعني مثلا ماتروحش تشتري كيلو لبن، وانت عندك 2 كيلو، وتقول البحر يحب الزيادة.

او مثلا، انت عارف إنكم في الأسبوع ممكن تاكلوا 2 كيلو تفاح، فتروح تجيب 5 كيلو!!

خلي عندك أولويات في الشراء، وما تخليش حاجة تيجي على حساب حاجة تانية.

أهم عروض هايبر وان في 2021 🤩

عروض هايبر وان السنة دي، كانت مختلفة عن كل سنة، لأن مفيش شهر عدا من غير خصومات، وكوبونات وصلت قيمتها لـ 1000 جنيه.

وكان من أهم العروض دي، واللي لسة ممتد لغاية دلوقتي، عرض الأجهزة المنزلية.

العرض ده يخليك تشتري بدل المرة، اتنين وتلاتة، لأن مع كل مرة بتشتري فيها جهاز معين، بتاخد كوبون خصم للمرة اللي بعدها.

يعني نفترض، إنك اشتريت بوتجاز غاز زانوسي 60*90 سم - 5 شعلة، بـ 5199 جنيه.

كده بقى معاك كوبون خصم قيمته 400 جنيه، فلما تيجي تشتري المكنسة الـ 2000 وات، هتدفع 2099 بدلا من 2499 جنيه.

وكل مرة هتشتري هتاخد مع الكوبون هدية أجمد من اللي قبلها 🎁.

استغل عروض هايبر وان طول السنة، وتابع كل جديد على متصفح وصلة، عشان توفر أكتر وتعمل صفقات جديدة.

الجو اليومين دول مايشجعش على حاجة خالص إلا البحر.. مافيش حل إلا البحررر🏊‍♂️!!.. هايبر وان هيساعدك في تجهيز الشنط، وعاملك شوية عروض حلوة على مستلزمات المصيف.

وزي ما احنا عارفين إن المصيف لازم له عدة، فـ لو ناقصك حاجة كملها قبل ما تسافر وتروح تشتريها من هناك بقيمة مضاعفة!!

وصلة وهايبر عاملين معاك الواجب، وجايبلنك خصومات 🏷 بتعدي الـ 30% على كل حاجة البحر.

وخصومات خاصة على العوامات والكتافات اللي هتحمي ولادك وتخلي قلبك متطمن طول السفرية.

ألعاب الشاطئ بتبدأ من 49 جنيه مع عروض هايبر وان 🏓

رقم واحد واحنا بنفكر بس في سفرية المصيف، بنشوف هنلعب إيه على البحر؟؟؟ 🤔

هي لعبة واحدة بنعتمدها في الظروف دي، مضربين وكورة واديها "راكيت" على الشط للصبح.

مضارب السنة اللي فاتت باظط من الركنة؟!

ولا تلاقيها ضاعت على الشط أصلا مع الحاجات الكتير اللي ضاعت الصيف اللي فات.

ماتشيلش همهم، واشتريهم دلوقتي من هايبر وان، باللون الوردي عشان الأحداث الجميلة.

وممكن تشتري معاهم كرة بحر، وتدفع شاكب راكب 130 جنيه 💸.

لو لسة ما حجزتش رحلة المصيف: وفر فلوسك مع وصلة وسافر مرتين بدل ماتسافر مرة

كمية محدودة من عوامات البحر وحمامات السباحة.. أسعار تبدأ من 14 جنيه 🚨

العوامة الفلامنجو، والعوامة الوزة، هما ترند الصيف، وماينفعش نطلع المصيف من غيرها عشان محدش يقول حاجة!!.

كمان المراتب عشان الاسترخاء وجلسات التان التمام، قعدة البحر كلها هتبقى نفخ السنة دي.

لو محتاج عوامة تشرفك وتمشي رافع راسك على البحر السنة دي، اشتري أونلاين من هايبر وان دلوقتي🛒.

ومتنساش عوامات الأولاد، والكتافات بالأشكال اللي بيحبوها، عشان متقلقش عليهم وهما في المية.

الحق بقى العروض في Hyper one عشان الكمية محدووودة جدااا.. وانت محتاج تلحق الصيف كمان قبل ما يخلص.

مع عروض هايبر وان ألواح السباحة لتعليم الأطفال بـ 149 جنيه 🏷

دلوقتي انت حجزت المصيف، وبعدين اكتشفت إن الأولاد لسة مش بيعرفوا يعوموا!

دي مشكلة، بس سهلة، احجزلهم في تمرين سباحة على السريع وهاتلهم ألواح سباحة من هايبر وان بـ 149 جنيه.

واهي تنفع مرتين، مرة وهما بيتعملوا ومرة وهما بيصيفوا يكملوا بيها تعليم، ومش بتخسر يعني.

25% خصم على الشامبو ومنتجات العناية من هايبر وان ويونيليفر 🧴🧼

عشان نرجع من المصيف جسمنا سليم، فلازم ناخد عدة العناية معانا.

يعني الشامبو والبلسم عشان الشاور بعد البحر أو الـ Pool شيء أساسي🚿🛁، وإلا هيبقى شعرنا في ذمة الله.

كمان الكريمات والغسول، وكل اخواتهم، لزوم البشرة الصحية.

وعشان انت نيتك سليمة، فيه عروض جامدة على منتجات يونيليفر للعناية بالجسم والبشرة في هايبر وان دلوقتي.

اشتري دلوقتي من داخل تطبيق وصلة، منتجات العناية بـ عروض هايبر وان بـ 300 جنيه، وخد 75 جنيه خصم فوري.

عروض حلاوة المولد من هايبر وان 2021

السنة دي عروض هايبر وان فيها أنواع كتير من حلاوة المولد النبوي، ورافعين شعار "المولد حلاوته عندنا".

الحلويات في هايبر متقسمة لقسمين، واحد للعلب وتقدر تشوفه من هنا، والتاني للأطباق وتقدر تشوفه من هنا.

هما بقى مجمعين تشكيلات، بأسعار بين المتوسطة والعالية، يعني مش هتلاقي علبة حلاوة أقل من 50 جنيه.

لكن في الأطباق، هتلاقي حاجات بتبدأ من 16 جنيه عادي.

هايبر وان متعاون السنة دي، مع براندات حلويات معروفة ومضمون، زي: (العبد وتسيباس).

انتظر عروض بلاك فرايداي من هايبر وان 

باقي على البلاك فرايداي أسابيع قليلة، والكل في انتظار العروض اللي هتبتدي من أول شهر نوفمبر لاخر السنة.

هايبر وان، عامل مفاجآت في فترة الجمعة البيضاء، وبيقدم عروض على مئات المنتجات، وخصومات بتوصل لـ 50%.

المنتجات اللي المفروض تنتظر عروضها خلال فترة البلاك فرايداي، هي الأجهزة الكهربائية، مستلزمات المطبخ، والبقالة ومستحضرات التجميل والعناية.

لأنها بتحتاج ميزانية كبيرة في العادي، لكن أثناء عروض الجمعة البيضاء، هتقدر تشتريها بأقل ميزانية.

يعني ممكن تجدد أجهزة بيتك مثلا كلها، بأقل من 30 ألف جنيه، واللي في العادي كنت هتحتاج مش أقل من 70 ألف عشان تعمل كده.

وطبعًا، وصلة براوزر معاك في فترة البلاك فرايداي وطول السنة، عشان يساعدك تشتري بأحسن خصومات، نزّله دلوقتي.