موقع التسوق الإلكتروني الأشهر جوميا، بيوفر لعملائه طرق كتير جدًا للدفع، وهما:
- الدفع أونلاين بـ "بطاقة الائتمان"، سواء فيزا أو ماستر كارد.
- الدفع أونلاين عن طريق FAWRY فوري.
- الدفع عند الاستلام.
جوميا مصر فعّلوا أنظمة تقسيط، وكانت متاحة لفترة، لأي حد تبع بنك مصر او بنك عودة.
ودلوقتي عرض التقسيط الموجود على جوميا، فهو لحاملي البطاقات الائتمانية "ماستر كارد" من البنك الأهلي المصري.
عشان تقسط على جوميا، لازم تشتري حاجات بقيمة 2000 جنيه، وده أقل حاجة.
فترة التقسيط المتاحة على عرض البنك الأهلي المصري في جوميا، هي 12 شهر، ومينفعش تغييرها بعد كده.
أنظمة تقسيط جوميا لحاملي بطاقات بنك مصر
من دلوقتي تقدر تقسط أي حاجة من جوميا باستخدام بطاقة بنك مصر الائتمانية، وبدون فوايد لحد 24 شهر.
بس لازم تكون قيمة المنتج اللي هتقسطه تكون بين 3000 جنيه أقل حاجة و30 ألف جنيه بحد أقصى.
أما لو قيمة المنتج أقل من 3000 فمش هينفع تقسطه إلا على مدة من 6 شهور لـ 18 شهر، مش أكتر من كده.
قبل ما تاخد أي إجراء في موضوع التقسيط مهم تلقي نظرة على الشروط والاحكام من هنا.
ممكن تستغل تقسيط جوميا ده في الحاجات الكبيرة، زي الأجهزة الكهربائية مثلا: "غسالة، تلاجة، بوتاجاز".
أو لو بتفكر تجيب هدية معينة لحد معين، وعاوزة حاجة غالية، موبايل مثلا، ممكن برضه تستخدم ميزة التقسيط من جوميا مصر في الموضوع ده.
وبما إننا في الصيف، والجو ده محتاج تكييف بشكل ضروري، فممكن تقسط تكييف من جوميا، وهيدخل تحت باند الـ 24 شهر لأنه معدي الـ 3000 جنيه.
يعني لو جبت تكييف Tornado، اسبيلت 2.25 حصان، بـ 7890 جنيه بدل 10200 جنيه، يبقى كده وفرت 2300 جنيه تقريبا.
لو قسطته بقى على 24 شهر ببطاقة بنك مصر، فيزا أو ماستر كارد، هتبقى بتدفع في الشهر 300 جنيه لمدة سنتين... يا بلاااش!!!!
ممكن تشتري حاجة المدرسة بتاعة الأولاد، باكيدج مثلا، وتقسط سعرها كلها على سنتين، كل الاختيارات هتكون متاحة يعني.
طيب ده بالنسبة لخدمات ومزايا التقسيط على جوميا، إيه بقى خدمات شحن الرصيد والكاش باك بتاع جوميا وان ده؟
شحن رصيد وكاش باك.. اعرف أكتر عن خدمات جوميا وان وآخر العروض
جوميا وان واحد من أهم إصدارات شركة جوميا الكبرى للتسوق عبر الإنترنت.
الموقع والأبلكيشن فيهم مزايا كتير لعملاء جوميا، واللي بتسهل لهم دفع كل الفواتير، وشحن الرصيد، وهما قاعدين في البيت.
غير كده طول الوقت بيبعت هدايا تشجيعية قيتمها تقريبًا بتكون 20 جنيه، عشان تساعدك في دفع فواتيرك.
ممكن من خلال جوميا وان، تحجز تذاكر الحفلات والسينما وغيرها، أو تاخد خصومات وقسائم شراء في اشتراكات نتفليكس وPSN.
أو تحصل على بطاقات هدايا في الألعاب، لما تشترك في Crossfire أو بطاقة SilkRoad.
وتقدر تتبرع لأكتر من 10 مؤسسات خيرية مصرية، بأي قيمة تقدر عليها.
ممكن تستغل الكاش باك بتاع جوميا وان، اللي بيجيلك بعد أي عملية شراء، وبتوصل قيمته لـ 5% أو أكتر، في إنك تتبرع به أو تدفع فواتيرك.